• තොරතුරු, සන්නිවේදනය, විනෝදාස්වාදය යන ක්‍ෂෙත‍්‍ර ති‍්‍රත්වය එක්කල ආර්ථිකයක් ශ‍්‍රී ලංකාවට ඉතා උචිතයි.
  • 03 10රටේ සංවර්ධනය ගැන පැමිණිලි කරනවාට වඩා ඉවසීමෙන් සංවර්ධනයට ඉඩ දිය යුතුයි.
  • යුක්ති සහගත විවේචන පිළිගන්නවා. නමුත් ජනතාව නොමග යවන පහත් පෙලේ ප‍්‍රචාරවලින් රටේ සංවර්ධනයට පිටුවහලක් නැහැ.

මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා මෙම අදහස් පළකර සිටියේ අද(06) දින මහරගම සංවර්ධන සැලසුම එළි දැක්වීමේ අවස්ථාවට සහභාගී වෙමිනි.

එහිදී අදහස් දැක්වූ අමාත්‍යවරයා, 'මහරගම නාගරික සැලැස්ම ගිය වසරේදී පාර්ලිමේන්තුවට ඉදිරිපත් කළා. සාකච්ඡා කර පියවරෙන් පියවර අරමුදල් සම්පාදනය කිරීමේ වැඩපිළිවෙලට අද එකතු වෙලා තිබෙනවා. අපේ බලාපෙරොත්තුව මහරගම එක්තරා ආකාරයකට ගත්තොත්, එක් පැත්තකින් ශ‍්‍රී ජයවර්ධනපුර විශ්ව විද්‍යාල නිසා විශාලම අධ්‍යාපනික මධ්‍යස්ථානයක් බවට පත් වෙලා තිබෙනවා. රටේ අද වැඩිම ශිෂ්‍ය සංඛ්‍යාවක් ඉගෙන ගන්නේ මෙම විශ්ව විද්‍යාලයේ. ඒ වගේම ඇඟලූම් කර්මාන්තය නිසා පමුණුව, සුළු හා මධ්‍ය පරිමාණ ඇඟලූම් නිෂ්පාදකයින්ගේ මධ්‍යස්ථානය බවටත්, මහරගම පත්වෙලා තිබෙනවා. ඒ වගේම අපේ ධර්මායතනය ප‍්‍රමුඛ අපේ ආයතන නිසා බෞද්ධ පුනර්ජීවනයේ නගරය හැටියට මේ පසුගිය කාලයේ ගෞරවනීය ගංගොඩවිල සෝම ස්වාමීන් වහන්සේගේ මැදිහත්වීමෙන් මහරගම පත්වුණා.

FaLang translation system by Faboba